+7 (777) 001 44 99
Қазақша
Русский
English
Ішкі істер департаменті өкілдері 14 жастағы оқушының жол-көлік оқиғасына тап болып, ары қарай анасының айтуынша, оны ересек адамдар еркінен тыс ұстап отырған, - деп хабарлайды Tengrinews.kz тілшісі.
Осыған дейін Facebook желісінде оқушының анасы Айгүл Жараспаева биыл 16 тамызда Астанада ұлының басынан өткен оқиғаны баяндап жазған еді.
"Сағат 8 шамасында ұлымның сыныптасының әкесі маған баламды белгісіз біреулер Lexus GX460 маркалы автокөлікпен қағып кеткенін айтты. Оқиға Түркістан көшесінде болды. Ұлым достарымен велосипедпен Түркістан көшесінің бойымен жол шетінде келе жатқан. Бір кезде жол талғамайтын көліктің жүргізушісі оларды озып өтіп, дереу оңға бұрып қалған. Сол кезде менің ұлым соқтығысқан. Автомобиль соққысынан менің балам ұшып кеткен, соның салдарынан ол жарақат алды", - деп жазды жасөспірімнің анасы.
Жол-көлік оқиғасынан кейін, оқушының анасының айтуынша, ер адам мен әйел адам баланы күштеп көлікке отырғызып белгісіз бағытта алып кеткен.
"Ұлымның телефоны сөндірулі болды. Мен 102 нөміріне хабарласып, баланың жоғалғаны туралы хабарладым. Тек бір жарым сағат өткен кезде ғана мен баламды көре алдым. (...) 30 жастағы әйел көлік тізігінде болған, сонымен қатар, салонда әкесімен ағасы болған. Олар жедел жәрдем шақырмастан менің ұлымды көлікке "отырғызып алып, сен кінәлісіңге басқан". Олар одан бір жерің ауырып тұр ма деп те сұрамаған. Олар менің ұлыммен бірге көлік жөндеу автосалонына барып, келтірілген залалдың қанша тұратынын білген. (...) Баланы қағып, медициналық көмек көрсетпестен, оны оқиға орнынан алып кетіп, қорқытқан адамдар жазасыз қалмауы керек", - деді Айгүл Жараспаева. Ол өз ұлының психологиялық қысым көргенін айтады.
Полициядағылар ҚР Қылмыстық кодексінің 389-бабы ("Өзiнше билiк ету") бойынша сотқа дейінгі тергеу шараларын жүргізіп жатыр.
"Осы іс бойынша тергеу шаралары жүріп жатыр. Сонымен қатар, жол апаты дерегіне байланысты Lexus көлігінің жүргізушісіне қатысты ҚР Әкімшілік құқық бұзушылық туралы кодексінің 610 және 611-баптары бойынша әкімшілік хаттама толтырылды. Қыркүйекте осы істің материалдары Астана әкімшілік қылмыстар бойынша мамандандырылған ауданаралық сотына жіберілді", деді елордалық ІІД баспасөз қызметінің өкілдері.
