+7 (777) 001 44 99
Қазақша
Русский
English
Астанада мас полицей жаяу жүргіншіні қағып кетті, - деп хабарлайды Tengrinews.kz тілшісі. ҚР ІІМ ресми өкілі Алмас Сәдубаев бұл мәліметті растады.
Сәдубаевтың айтуынша, Астанада 7 қазанда полиция қызметкері мас күйде жеке көлігімен жаяу жүргіншіні қағып кетті.
"Полицей оқиға орнынан қашып кеткен. Зардап шеккен адам ауыр халде ауруханаға жеткізілді. Жол апатына кінәлі адам сол күні анықталып, ұсталды. Адам қағып кеткеннен кейінгі оның әрекеті және ішкі істер органында қызмет ететіні процесс мүшелеріне әсер етпеуі үшін сот санкциясымен ол екі ай мерзімге қамауға алынды", - деді ІІД өкілі.
Министрлік мәліметінше, сотқа дейінгі тергеу шаралары ҚР Қылмыстық кодексінің 345-бабы және 347-бабы бойынша жүргізіліп жатыр.
"Сонымен қатар, ішкі тексеру тағайындалды, соның нәтижесінде полицейдің басшылары тәртіптік жауапкершілікке тартылады не жұмыстан босатылады", - деді ІІМ ресми өкілі.
