+7 (777) 001 44 99
Қазақша
Русский
English
Астанада өрт сөндіру көлігінің жүргізушісі бағдаршамның тыйым салынған белгісіне өтіп, жеңіл автокөлікпен соқтығысты. Жол апаты салдарынан көліктің жолаушысы көз жұмды, - деп хабарлайды Tengrinews.kz тілшісі.
Астана Полиция департаментінің мәліметінше, жол-көлік оқиғасы Бөгенбай батыр даңғылы мен Жеңіс көшесінің қиылысында болған.
"Өрт сөндіру көлігінің жүргізушісі бағдаршамның қызыл жарығына өтіп, Kia маркалы автокөлікпен соқтығысқан. ЖКО салдарынан Kia көлігінің жүргізушісі мен жолаушысы ауруханаға жеткізілді. Алайда, 52 жастағы жолаушы алған жарақаттарының салдарынан көз жұмды. Қазіргі уақытта тергеу жүргізіліп жатыр", – деп хабарлады полиция департаменті.
Бұл жағдай бойынша абайсызда адам өліміне әкеп соқтырған жол қозғалысы ережесін бұзу бабы бойынша қылмыстық іс тіркелді.
Бұған дейін желіде қаза тапқан әйелдің мектепте мұғалім болып жұмыс істегені, артында баласы мен мүмкіндігі шектеулі анасы қалғаны туралы ақпарат тараған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
