+7 (777) 001 44 99
Қазақша
Русский
English
Астанада отбасымен жанжалдасып қалған ер адам көпірден секірмек болды, - деп хабарлайды Tengrinews.kz тілшісі қалалық ІІД баспасөз қызметіне сілтеме жасап.
7 мамырда 20.55-те елордадағы Ішкі істер департаментіне автомобильге арналған көпірде белгісіз ер адамның секіргелі тұрғаны туралы хабар түседі.
Оқиға орнына дереу жеткен поиция қызметкерлері қоғамдық тәртіпті бұзған 26 жастағы ер адамды көпірден түсіріп, "Сарыарқа" аудандық Ішкі істер басқармасына жеткізді.
Оқиға бойынша "ұсақ бұзақылық" бабымен әкімшілік іс қозғалып, Астана мамандандырылған ауданаралық әкімшілік сотына жіберілді. Соттың шешімімен оған 10 АЕК көлемінде айыппұл салынып, ол әкімшілік жауапкершілікке тартылды.
Ер адамның айтуынша, оның осындай іс-әрекетке баруына отбасындағы жанжал себеп болған.
Медициналық сараптама нәтижесінде ер адамның орташа деңгейде мас болғаны анықталды.
