+7 (777) 001 44 99
Қазақша
Русский
English
Астана полицейлері баласын көшеге тастап кеткен әйелді тапты, - деп хабарлайды Tengrinews.kz тілшісі елордалық ІІД баспасөз қызметіне сілтеме жасап.
22 сәуір күні баласын Ақмешіт көшесіндегі үйлердің бірінің ауласына қалдырып кеткен әйел Ақтөбе қаласынан табылды. Ол жергілікті компаниялардың бірінде жұмыс істейтін Ақтөбенің 21 жастағы тұрғыны болып шықты.
"Тергеу амалдары барысында полицейлер күдіктінің 4 сәуір күні Астанаға жұмыс сапарымен келгенін анықтады. 22 сәуірде ол жалға алған пәтерінде ер бала босанып, оны көрпеге орап үйлердің бірінің алдына тастап кеткен. Келесі күні Ақтөбеге кетіп қалады", - деді баспасөз қызметі өкілдері.
Қазіргі уақытта ҚР Қылмыстық Кодексінің 119-бабына - "Қауіпті жағдайда қалдыру" сәйкес тергеу амалдары жүргізіліп жатыр. Тергеу амалдары аясында бірқатар сараптама тағайындалды. Тергеу жүріп жатыр.
Еске салайық, бала 22 сәуірде сағат 22.00 шамасында табылған болатын. Нәресте балалар ауруханасына жеткізілді.
