Астанада сауда орталығының аумағында өрт болды

19 қараша кешкісін Астанадағы "Жаннұр" сауда орталығының аумағында ірі өрт болды. Бұл туралы Tengrinews.kz тілшісіне куәгерлер хабарлады. 

Жедел әрекет қызметі өртті бірден сөндіргенімен, қою түтін көтерілді.

ҚР ІІМ Төтенше жағдайлар комитетінің ресми өкілі Руслан Иманқұлов деректі растады. 

"2017 жылдың 19 қарашасы сағат 22:00-де өрт сөндіру қызметінің пультіне Астана қаласының Алматы ауданындағы "Жаннұр" сауда орталығының аумағында жеке тұрған кафенің өртенгені хабарланды. Өртенген аумақ - 50 шаршы метр. Он өрт сөндіруші мен екі арнайы техниканың көмегімен сағат 23:05-те өртті ауыздықтап, 23:18-де толық өшірді", - деп нақтылады Иманқұлов.