+7 (777) 001 44 99
Қазақша
Русский
English
Астанада төрт жасар бесінші қабаттан құлап кетті, - деп хабарлайды Тengrinews.kz тілшісі ҚР Төтенше жағдайлар министрлігіне сілтеме жасап.
Оқиға Сарыарқа ауданындағы тоғызқабатты тұрғын үйде болған. "29.04.2014 күні сағат 17.41-де абайсызда 5-қабаттың терезесінен 2010 жылы туған сәби құлап кетіп, түрлі дәрежедегі жарақатымен ауруханаға жатқызылды", - делінген министрліктің хабарламасында.
Еске сала кетейік, өткен жылдың қыркүйек айында Астанада екі жасар бала үшінші қабаттан құлап кеткен еді. Тұрғын үйге жапсарлас ғимараттың шатырына түскен ол аман қалды. Астанада осындай оқыс оқиғалар өткен тамыз, шілде айларында да бірнеше рет тіркелген болатын. 27 тамызда бір жасар сәби екінші қабаттан құлап, жарақат алды. Шілдеде алтыншы қабаттан құлаған үш жасар сәби қайтыс болып, төртінші қабаттан құлаған төрт жасар бала мүгедек болып қалды.
