Астанада 4 жасар балақай құтқарылды, - деп хабарлайды Tengrinews.kz тілшісі.
Оқиға елорданың Есіл ауданында орналасқан көпқабатты үйлердің бірінде болған. Қараусыз қалған кішкентай қыз бала ойнап жүріп, қолын жылыту радиаторына тығып, қайта шығара алмай қалған.
"Мазасызданған ата-ана 112 қызметіне хабарласты. Құтқарушылар гидравликалық сайманның көмегімен батареяның арасын ашып, баланың қолын босатты. Бала зардап шеккен жоқ", - деп жазылған хабарламада.
ТЖД балаларды қараусыз қалдырмауға кеңес береді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
