+7 (777) 001 44 99
Қазақша
Русский
English
Астанада көпқабатты тұрғын үй кешенінің ауласында автомобиль өртенді, - деп хабарлайды Tengrinews.kz тілшісі.
Куәгерлердің айтуынша, бүгін таңғы сағат 08:40-та Астанада Мүсірепов көшесінің бойында орналасқан үйлердің бірінің тұрағында автокөлік түгелдей өртеніп кеткен.
Куәгерлер жіберген видео
"Сағат 08:42-де хабар түсті. Үйдің ауласында ақ түсті Volkswagen Passat өртенген. Өрт сөндірушілер екі минутта оқиға орнына жетіп, 08:52-де өртті сөндірген. Көлік шамамен 7-10 минут өртенді, сол себепті де толығымен жанып кеткен. Жарылыс болған жоқ, зардап шеккендер жоқ", - деді Астана ТЖД баспасөз қызметінің өкілдері.
Өртті сөндіруге тоғыз адам мен екі арнайы техника жұмылдырылған.
Қазіргі уақытта оқиғаның мән-жайы анықталып жатыр.
