Астанада ұрыларды ұстауға көмектескен таксист теледидарға ие болды

20 Қаңтар 2015, 17:32
0
Астанада ұрыларды ұстауға көмектескен таксист теледидарға ие болды - ©Tengrinews.kz
©Tengrinews.kz

Астанада ұрлықшыларды ұстауға көмектескен таксист теледидармен марапатталды, - деп хабарлайды Tengrinews.kz тілшісі Астана қалалық ішкі істер департаментінің баспасөз қызметіне сілтеме жасап.

Астаналық полицейлер ұрыларды ұстауға көмектескен таксистке теледидар сыйлады. Баспасөз қызметінің хабарлауынша, Астананың екі тұрғыны түнгілікте букмекерлік кеңседен түрлі-түсті теледидар ұрлаған. Ұрылар қолды қылған заттарын әкету үшін такси тоқтатқан. "Такси жүргізушісіне жолаушылардың жүріс-тұрысы күмәнді көрінген. Оның айтуынша, әдетте көлемді заттарды түн ішінде тасымайды. Ол қолайлы сәтті пайдаланып "102-ге" хабар берді. Шұғыл әрекет еткен полицейлер кешікпей келіп ұрлық жасағандарды ұстады", - делінген хабарламада.

Теледидарды табыстаған Алматы ауданының ішкі істер басқармасының басшысы Марат Төлебаев такси жүргізушісі Берік Мұқатаевтың батыл әрекетінің арқасында қылмыстың ізі суымай ашылып, ұрланған заттар иелеріне қайтарылғанын және қылмыс жасағандар қылмыстық жауапкершілікке тартылғанын айтып, алғысын білдірді.


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай