Астанада Toyota Land Cruiser Prado автомобилі жолаушылар автобусына соғысты, - деп хабарлайды Tengrinews.kz тілшісі.
Жол-көлік оқиғасы 5 қазанда кешкі сағат бестер шамасында болған.
"Тексеру шаралары жүргізіліп жатыр. Алдын ала мәліметтер бойынша, Toyota Land Cruiser Prado көлігінің жүргізушісі ауладан Кенесары көшесіне шығар жолда автобусқа жол бермеген. Жол апатынан зардап шеккендер жоқ", - дейді Астана қалалық баспасөз қызметіндегілер. Жол талғамайтын көліктің жүргізушісі әкімшілік жауапкершілікке тартылды.
