+7 (777) 001 44 99
Қазақша
Русский
English
Астанадағы Мәңгілік Ел даңғылында салынып жатқан ғимаратта өрт шықты, - деп хабарлайды Tengrinews.kz тілшісі.
Астананың сол жағалауында шығып жатқан қою қара түтіннің видеосын Tengrinews.kz оқырманы редакцияның WhatsApp +7 777 001 44 99 нөміріне жолдады.
Қалалық Төтенше жағдайлар департаменті мәліметінше, сағат 15:08-де Есіл ауданында Хусейн бен Талал көшесі мен Мәңгілік Ел даңғылы қиылысындағы жаңа ғимараттан түтін шығып жатқаны туралы хабарлама бойынша өрт сөндіру бөлімдері шұғыл әрекет еткен.
"Өртсөндірушілер келген соң, алдын ала 200 шаршы метр аумақта салынып жатқан ғимараттың екінші қабатында құрылыс материалдарының жанып жатқаны анықталды", - делінген хабарламада.
Оқиға орнында өртті сөндіру үшін Астана қалалық Төтенше жағдайлар департаментінің жеке құрамының 20 адамы мен 4 техникасы жұмыс істеп жатыр.
Алдын ала мәлімет бойынша, зардап шеккендер жоқ.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
