Атырау облысында полицей асылып қалды. Бұл осы айдағы үшінші оқиға

Атырау облысында 25 жастағы полицей асылып өлген күйі табылды. Бұл осы айда өңірде болған үшінші жағдай, - деп хабарлайды Tengrinews.kz тілшісі "Ақ Жайық" басылымына сілтеме жасап.

Атырау облысында 25 жастағы полицей асылып өлген күйі табылды. Бұл осы айда өңірде болған үшінші жағдай, - деп хабарлайды Tengrinews.kz тілшісі "Ақ Жайық" басылымына сілтеме жасап.

29 наурызда сағат 8-де Құрманғазы ауылында полиция қызметкері асылып өлген. Құрманғазы ауданының тумасы Теңіз полиция бөлімінде кезекшінің көмекшісі болып қызмет еткен. Оның денесі стадионнан табылған. Қазіргі уақытта ҚР ҚК-нің 105-бабы ("Өзін-өзі өлтіруге дейін жеткізу") бойынша қылмыстық іс қозғау мәселесі шешіліп жатыр.

Жергілікті құқық қорғау органдарында бұл наурызда болған үшінші жағдай екені айтылады. 20 наурызда Махамбет ауданында тағы бір 25 жастағы полицей өлі табылған еді. Жайық өзенінің жағалауында оның көлігі тұрған. 19 наурызда ҚПБ психологы болып жұмыс істеген полиция лейтенанты өз үйінде өлі табылған. Бұл оқиға оның тойына бірнеше күн қалғанда болған.

Атырау облыстық Полиция департаменті өкілдері полицейлердің қазасына байланысты пікір білдірді.

"Осы жылдың 29 наурызында Құрманғазы ауданында болған 1996 жылы туған полиция қызметкерінің қайтыс болу фактісі бойынша қазіргі уақытта сотқа дейінгі тергеу жүргізіліп жатыр. Сондай-ақ, 20 наурызда Жайық өзенінде мәйіті табылған полицейдің өліміне қатысты тергеу амалдары жүргізіліп жатыр. Ал Атырау қалалық полиция басқармасының қызметкері 19 наурызда аурудан қайтыс болды", - деді Атырау облысы бойынша полиция департаменті бастығының орынбасары Әлихан Байдосов.

Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!

Құқық қорғау органдары Суицид Кісі өлтіру Қайғылы оқиға полицей Полиция Төтенше жағдай Атырау облысы Атырау