+7 (777) 001 44 99
Қазақша
Русский
English
Атырау тұрғыны үш жасар қыздың үстінен полицияға арыз жазды. Бұған балалардың ойыншыққа таласып қалуы себеп болған, - деп хабарлайды Tengrinews.kz тілшісі.
Оқиға қалай болды?
Бұл жағдай туралы Threads әлеуметтік желісінде "іс фигуранты" болған қыздың анасы айтып берді.
"Кафеде менің қызым ойыншық шаңсорғышты алған, одан үлкенірек қыз оны тартып алмақ болады. Осы сәтте оның анасы: "Қызыңызды әдепке үйретіңіз", - деп айғайлай бастады. Балалар небәрі 10 минуттан кейін қайтадан достар сияқты ойнап кетті, ал ол әйел арыз жазды. Балаға. Тіпті, үш жасар қызымнан өзінің бес жасар қызының алдында кешірім сұрауды талап етті", – деп жазды әйел.
Полиция пікірі
Атырау облыстық Полиция департаменті баланың үстінен арыздың расында түскенін растады.
"Бұл факт бойынша тексеріс жүргізілді, баланың ата-анасымен профилактикалық әңгіме өткізілді. Оларға үш жасқа толмаған балаға қатысты арыз қабылданбайтыны түсіндірілді. Осыған байланысты оның арызы заңнама талаптарына сәйкес қараусыз қалдырылды", – деп хабарлады полиция.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
