+7 (777) 001 44 99
Қазақша
Русский
English
Атырауда 5 жасар қыздың бетін ит тістеп алды, - деп хабарлайды Tengrinews.kz тілшісі "Мой город" басылымына сілтеме жасап.
Оқиға туралы Әсем Байжан Facebook-тегі парақшасында жазды. Мұнда зардап шеккен баланың видеосы да жарияланған.
"Менің балаларыма бірнеше рет шабуыл жасаған ит! Агрессивті, зооқорғаушылардың әртүрлі тобына жазғанмын (әрине, олар менің балаларымды кінәлап, өзімізді кінәлі етіп қойды). Бүгін, 2022 жылдың 7 мамыры сағат шамамен 18.30-да Азаттық, 153 мекенжайында ит менің бес жасар жиенім Софияның бетін тістеп алды.
Видеосын жүктедім. Бұл 2021 жылдың 22 қарашасында маған шабуыл жасаған, аяғымды тістегісі келген, бірақ тек шалбарыма ілінген ит", - деп жазды әйел.
Атырау облыстық полиция департаменті жағдай тіркелгенін және иттің иесі жоқ екенін хабарлады.
Атырау әкімдігі жағдайды кейінірек түсіндіруге уәде берді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
