+7 (777) 001 44 99
Қазақша
Русский
English
Қазақша
Русский
English
Атырауда полицейлер мен екі куәгер көпірден секіріп кетпек болған қызды құтқарып қалды, - деп хабарлайды "Ақ Жайық".
Көпірдің қоршауынан шығып алған қыздың әрекеті Атырау ІІБ жедел басқарма орталығының камераларына түсіп қалған. Полицейлер дереу сол орынға барып, екі тәртіп сақшысы қызды қоршаудың арғы жағынан шығара бастады, алайда қыз қарсыласқан. Оларға жергілікті баспаханада жұмыс істейтін Амантай Илиев пен Сағынжан Ғизатулин көмекке жеткен. Сөйтіп, күш біріктіргеннен кейін қыз қауіпсіз жерге шығарылған.
Қазіргі уақытта іс бойынша ҚР Қылмыстық кодексінің 105-бабы ("Өзiн-өзi өлтiруге дейiн жеткiзу") бойынша соталды тергеу жүріп жатыр.
"Кешкілік жиында Амантай Илиев пен Сағынжан Ғизатулинге полицейлерге көмектескені үшін Атырау ІІБ басшылығынан алғысхат алды. Екі қызметкеріміз де маратқа ұсынылады", - деп хабарлады Атырау облыстық ІІД баспасөз хатшысы Назымгүл Қайсағалиева.
