+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Атырау облысында №41/42 Алматы-Атырау бағытындағы жолаушылар пойызы вагондарының жолдан шығып кету фактісі бойынша Бас көлік прокуратурасы қылмыстық іс қозғады, - деп хабарлайды Tengrinews.kz Қазақстанның Төтенше жағдайлар жөніндегі министрлігінің баспасөз қызметіне сілтеме жасап.
Атырау облысында №41/42 Алматы-Атырау бағытындағы жолаушылар пойызы вагондарының жолдан шығып кету фактісі бойынша Бас көлік прокуратурасы қылмыстық іс қозғады, - деп хабарлайды Tengrinews.kz Қазақстанның Төтенше жағдайлар жөніндегі министрлігінің баспасөз қызметіне сілтеме жасап.
Нақтыланған деректер бойынша, жеті адам ауруханаға жеткізілген, қайтыс болған ешкім жоқ. Жолаушыларды эвакуациялау жүргізілуде. Оқиға орнында Атырау облыстық ТЖД-нің 31 адамы, жеті техника бірлігі және екі тікұшақ жұмыс істеуде.
"Жағдай бақылауға алынған. "ҚТЖ" ҰК" АҚ жолаушыларды стансаға дейін жеткізу үшін 14 вагон жіберді", - деп көрсетілген хабарламада.
ҚР Көлік және коммуникация министрлігінің мәліметінде 19 вагонның 12-ісі рельстен шығып кеткендігі нақтыланған. Оның себебін оқиға орнына аттанған ҚР ККМ өкілдерінен құрылған комиссия анықтауда.
Бұған дейін хабарланғандай, пойыз жолаушылары шағын автобустармен жақын маңдағы елді мекенге – Мақат стансасына тасымалдануда. 22:00-ге дейін Мақатқа 250 жолаушы жеткізілді, делінген ҚТЖ баянында. Қалғандары 24:00-ге дейін жеткізіледі. Атырау облысы әкімдігінің және ТЖМ-нің жәрдемдесуімен зардап шеккендердің бәріне қажетті көмек көрсетілді. Төтенше жағдайдың себептерін тергеу үшін ҚТЖ комиссиясы құрылды.
Темір жолдағы қозғалысты 6:00-де ашу жоспарланып отыр. "Жолаушылар пойыздарының кешігуіне байланысты барлық сұрақтар бойынша Астанадағы мына телефонға тәулік бойы хабарласуға болады: 8 7172 600 132", - дейді ТЖМ.
Төтенше оқиға 19 сәуірде жергілікті уақыт бойынша 17:50-де Мұқыр-Жантерек темір жол аралығындағы Сағыз-Мақат аумағында болған. Апат кезінде тасымалдау құрамындағы жұмыскерлерді қосқанда, пойызда 495 адам болған.
