+7 (777) 001 44 99
Қазақша
Русский
English
Атырау облысында бір күнде екі отбасы уланып қалды, - деп хабарлайды "Интерфакс-Қазақстан" агенттігі облыстық төтенше жағдайлар департаментіне сілтеме жасап.
Өткен жексенбі күні Исатай ауданының ауруханасына алты адам жеткізілген - үш ересек адам және үш бала. "Олардың бәрі - Жанбай ауылының тұрғыны, бір үйде тұрады. Оларға "табиғи газдан улану" диагнозы қойылды", - деп хабарлады ведомствоның баспасөз қызметі.
Бұған қоса, сол күні Атыраудағы облыстық балалар ауруханасына қала іргесіндегі Бірлік-2 ауылынан бес бала жатқызылды. Олардың ең үлкені - 10-да, кішісі - үш жаста. Олар "белгісіз заттан уланған". Төтенше жағдайлар қызметкерлерінің хабарлауынша, зардап шеккендерге медициналық көмек көрсетілді, жарты сағаттан соң олар үйлеріне жіберілген.
