Атырау облысы Индер ауданында тепловоз рельстен шығып кетіп, өртенді, - деп хабарлайды "Мой Город".
Оқиға 2018 жылдың 24 мамырында шамамен сағат 03.30-да болған.
"Нәтижесінде тепловоздың төменгі бөлігі өртеніп кеткен. Өртті сөндіруге Төтенше жағдайлар комитетінің 4 құтқарушысы мен 2 дана техника жұмылдырылды", - деп хабарлады Атырау облыстық ТЖД өкілдері.
Тепловоз тиесілі жекеменшік компания өкілдері әзірше бұл жағдайға қатысты пікір білдірген жоқ.
