26 қыркүйек 2014 | 18:17

Автоматын жоғалтып алған полицей жұмыстан шығарылды

Калашников автоматы. ©zbroya.info

Шымкентте автоматын патрондарымен бірге ұрлатып алған полицей қызметінен босатылды, бұл туралы Tengrinews.kz тілшісіне Абай ауданы прокурорының орынбасары Ермек Әйтімов айтты.

Шымкентте автоматын патрондарымен бірге ұрлатып алған полицей қызметінен босатылды, бұл туралы Tengrinews.kz тілшісіне Абай ауданы прокурорының орынбасары Ермек Әйтімов айтты.

Жалғасы

■

Шымкенттік полицей жоғалтқан автоматты кәуапшы тығып қойған

29 қыркүйек 2014, 14:23

Патруль-күзет қызметінің 26 жастағы сержантына қатысты "Салақтық" бабы бойынша қылмыстық іс қозғалды. Прокурордың айтуынша, егер оның кінәсі дәлелденсе, жігіттің жүріп-тұруы бір жылға шектеліп, бұдан соң құқық қорғау органдарында жұмыс істей алмауы мүмкін. Сержант полицияда небәрі екі жыл жұмыс істеген.

"Қазір оқиғаның жай-жапсары анықталып жатыр. Оқиғаның 15.30 шамасында болғаны анықталды. Калашников автоматы жоғалып кеткен", - деді прокурор. Ол сонымен бірге "Қару ұрлау" бабы бойынша да қылмыстық іс қозғалғанын айтты. Облыста "Перехват" жоспары жарияланды. Қару кафе маңына қойылған ақ түсті Lexus көлігінен жоғалған.

24 қыркүйек күні полицей достарымен бірге кафеге түскі ас ішуге барған. Астан шыққан кезде көліктен 30 патроны бар автоматын таба алмай қалады. Машина - полицейдің жеке көлігі.

Оңтүстік Қазақстан облысы Құқық қорғау органдары Қару-жарақ