+7 (777) 001 44 99
Қазақша
Русский
English
Интернетте автобуста ер адамның бір әйелді ұрып-соғып жатқаны түсірілген видео пайда болды, - деп хабарлайды Tengrinews.kz тілшісі. Әлеуметтік желі тұтынушысының мәліметінше, бейнежазбадағы оқиға Ақтөбе қаласындағы 25-бағытты автобуста түсірілген.
Кадрдан жігіттің өзінен үлкен әйел адамға жұдырықпен соққы беріп жатқанын көруге болады. Әйел адамның автобустың кондукторы екені көрініп тұр. Тағы бір ер адам бұзақыны сабасына түсіруге әрекеттеніп жатыр. Жанжалдың себебі түсініксіз. Бейнежазба авторы оқиғаны жасырын түсірген. Tengrinews.kz тілшісі Ақтөбе облыстық ішкі істер департаментінен және бейнежазбаны таратушыдан түсініктеме сұрап отыр.
Назар аударыңыз, видеода былапыт сөздер бар!
Бұған дейін осындай оқиға 2013 жылы Алматыда болған еді. Күйеуін бұзақының тепкісінен қорғамақ болған әйел адам бетінен соққы алды. Жанжалға жолдағы тәртіп себеп болды. Бейнежазба авторы оқиғаға араласпады. Кейінірек әйелді ұрған бұзақы ұсталды. Кінәлі адам моральдық шығын өтегеннен кейін жәбірленушілер оған кешірім берді.
