Балқашта жоғалған 19 жастағы қыз көл маңынан өлі табылды

Дина Шарипханова Корреспондент

Иллюстрациялық фото: pixabay.com

Балқаш қаласында хабар-ошарсыз кеткен 19 жастағы қыз өлі табылды, - деп хабарлайды Tengrinews.kz тілшісі Қарағанды облысының ПД сілтеме жасап.

Балқаш қаласында хабар-ошарсыз кеткен 19 жастағы қыз өлі табылды, - деп хабарлайды Tengrinews.kz тілшісі Қарағанды облысының ПД сілтеме жасап.

Қыз 2 қарашада үйінен шығып кеткен. Ол туыстарымен байланысқа шықпаған. Сол күні қыздың анасы полицияға жүгінеді. Қызды іздестіру туралы ақпарат еріктілер қозғалысының Instagram-парақшасында да жарияланды.

"2 қарашада Балқаш қаласындағы полицияның кезекші бөліміне 55 жастағы қала тұрғынынан арыз келіп түсті. Ол үйден шығып, хабар-ошарсыз кеткен 19 жастағы қызы туралы хабарлады. Бұл факт бірден полицияда тіркелді, полиция бөлімінің барлық жеке құрамы бағдарланды", - деді Қарағанды облысы ПД баспасөз қызметі өкілдері.

3 қарашада іздеу шаралары барысында жоғалған қыздың денесі Балқаш көлі маңынан табылған. Оның денесінде зорлық-зомбылық іздері болмаған. Өлімнің алдын ала себебі - дененің мұздап қалуы.

"Қазіргі уақытта аталған факт бойынша барлық қажетті сараптама жүргізіліп, мән-жай анықталып жатыр", - деді Қарағанды облысы ПД баспасөз қызметіндегілер.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Балқаш Іздестіру