04 ақпан 2018 | 12:20

Батыс Қазақстанда автокөлік жүргізген 14 жастағы бозбаланың ата-анасы жауапқа тартылды

Батыс Қазақстан облысында полицейлер 14 жастағы бозбала тізгіндеген автокөлікті тоқтатты, деп хабарлайды "Мой ГОРОД".

Батыс Қазақстан облысында полицейлер 14 жастағы бозбала тізгіндеген автокөлікті тоқтатты, деп хабарлайды "Мой ГОРОД".

Порталдың хабарлауынша, полиция қызметкерлері таңғы сағат 04.30 шамасында "Мерседес" маркалы автокөлігін тоқтатқан, оның рулінде 14 жастағы бала отырыпты. Көлік айып тұрағына жеткізіліп, баланың ата-анасы әкімшілік жауапқа тартылған.

"2 ақпаннан бастап Орал қаласында "Қауіпсіз жол" жедел-профилактикалық іс-шарасы өтіп жатыр. Жергілікті полицияның мәліметінше, жыл басынан бері жол қауіпсіздігі бойынша 8 мыңнан аса құқық бұзушылық анықталған және оларға қатысты бұлтартпау шарасы қолданылды. Олардың 2 мыңнан көбі жылдамдықты асыруға, 156 жайт көлікті мас күйде басқару бойынша болса, 606 жаяу жүргіншіге қатысты әкімшілік жауапкершілікке тарту шарасы қолданылған", - деп хабарлады портал тілшісі.

Сонымен қатар, іс-шараның алғашқы күнінде-ақ 156 әкімшілік құқық бұзушылық анықталған.

Құқық қорғау органдары соңғы жаңалықтар Көлік саласы Батыс Қазақстан облысы Балалар

TENGRI travel