+7 (777) 001 44 99
Қазақша
Русский
English
Қазақша
Русский
English
Bek Air әуекомпаниясының Fokker 100 ұшағының апатқа ұшырауына қатысты соталды тергеу әлі аяқталған жоқ, - деп хабарлайды Tengrinews.kz тілшісі. Бұл туралы Ішкі істер министрлігі хабарлады.
Бүгінде ұшақ апатына қатысты тергеуді Ішкі істер министрлігінің Көліктегі департаменті жүргізіп жатыр.
"Қазіргі уақытта Африкадағы: Сомали, Джибути, Эфиопия және Конго елдеріндегі шет мемлекеттерге құқықтық көмек көрсету туралы халықаралық тапсырмаларға жауап күтіліп отыр. Халықаралық ұйымдарға жәрдемдесу құқықтық көмек сұрау салу шеңберінде көрсетіледі", - деп хабарлады министрлік өкілдері Tengrinews.kz ресми сауалына жауап ретінде.
Министрлік Қазақстан неге Африка елдерінен тергеуге көмек сұрағанын нақтыламады. Fokker 100 ұшағын дәл осы аттас голландиялық ұшақ өндірушісі шығарған. Ал Bek Air әуекомпаниясының иелігіне алынғанға дейін бұл ұшақтарды португал әуекомпаниясы басқарған. Редакция осы мәселе бойынша пікір алу үшін мемлекеттік органдарға жүгінді.
Bek Air ұшағы 2019 жылдың 27 желтоқсанында апатқа ұшырады. Билік бастапқыда тергеу бір жылдан аса уақыт алуы мүмкін екені айтылған, бірақ төрт жыл өтсе де әлі аяқталмады. Осы уақыт ішінде әлемде коронавирус пандемиясы басталып, аяқталды, Қазақстанда парламент және президент сайлауы өтті.
Тергеудің ұзаққа созылуы, Ішкі істер министрлігі мәліметінше, "тергеудің ерекшелігі мен күрделілігіне, атап айтқанда, құқықтық көмек көрсету туралы халықаралық тапсырмаларға жауаптарды күтуге және іс бойынша сот сараптамаларын тағайындауға" байланысты. Қарапайым тілмен айтқанда, Қазақстан Африка елдерінен жауап күтіп отыр, олардың көмегінсіз тергеуді аяқтау мүмкін емес.
"Іс бойынша процессуалдық шешімді қадағалаушы прокурормен келісе отырып, халықаралық тапсырмаларды орындау және сот-медициналық сараптама нәтижелері бойынша үш сатылы тергеу моделі шеңберінде қабылдау жоспарланған", - деп толықтырды министрлік.
Олар ұшақтың апатқа ұшырау себебін арнайы комиссия әуеге көтерілу кезеңінде қанаттың жүк көтергіштік қасиетінің асимметриялық жоғалуы деп атағанын, ең алдымен жердегі мұз қатуының әсерінен болғанын еске салды.
"Соталды тергеп-тексеру жол-көлік оқиғасының барлық себептерін анықтау бойынша жедел-іздестіру іс-шараларының толық кешенін жүргізіп жатыр. Тергеу нәтижелері бойынша Қазақстан Республикасының заңнамасына сәйкес процессуалдық шешім қабылданады", - делінген хабарламада.
Соталды тергеп-тексерудің басқа деректері Қылмыстық іс жүргізу кодексінің 201-бабына сәйкес жария етілуге жатпайды.
Еске салайық, 2019 жылы 27 желтоқсанда Алматыдан елордаға шыққан Bek Air ұшағы биіктік жоғалтып, әуежайдан ұшып шыққан бетте құлаған. Бортта 95 жолаушы және экипаждың бес мүшесі болған. Апат 12 адамның өмірін қиды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
