+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Медеу аудандық сотында судьяның ісі қаралып жатыр. Өмірзақ Серімов қызметін асыра пайдаланды және үкімді әділ шешпегді деген күдікке ілініп отыр, - деп хабарлайды "Алматы" телеарнасы. Айыптаушының тұжырымы бойынша, сотталушы АХАЖ-да тіркелмеген некені заңды деп таныған. Салдарынан 2012 жылы Алматы қаласының тұрғыны өзін-өзі өртеп жіберген еді.
Медеу аудандық сотында судьяның ісі қаралып жатыр. Өмірзақ Серімов қызметін асыра пайдаланды және үкімді әділ шешпегді деген күдікке ілініп отыр, - деп хабарлайды "Алматы" телеарнасы. Айыптаушының тұжырымы бойынша, сотталушы АХАЖ-да тіркелмеген некені заңды деп таныған. Салдарынан 2012 жылы Алматы қаласының тұрғыны өзін-өзі өртеп жіберген еді.
Телеарна тілшілерінің мәліметінше, бұл елімізде сот ісінде дұрыс шешім шығармау дерегі тіркелген екінші жағдай екен. 2009 жылы Алмалы аудандық сотына келген бір келіншек жұбайы екеуінің некесі заңды екенін растауын сұрайды. Сол кездегі судья Өмірзақ Серімов сұранымды растайды. Сол құжат негізінде тұрғын күйеуінің атына рәсімделген "Ұлжан" ықшам ауданындағы үйін көпбалалы отбасына сатып жібереді. Арада біраз уақыт өткен соң дәл осы судья Серімовке үй қожайынының бауыры келіп, алғаш шығарған шешімін жоюды сұрап, үйден дәм етеді. Не керек соңында, 4 миллион теңгеге сатылған үйдің келісімшарты бұзылып, үйден отбасы шығарылатын болады.
Сауда-саттықты растамаған судьяның шешіміне ашынса керек, үйге сот орындаушылары келгенде үстіне бензин құйып, өзін-өзі өртеп жіберген екен.
Бір шаңырақ астында қазір бес ағайынды, әр қайсысы өз отбасымен тұрып жатыр. Бұл баспанаға қол жеткізу үшін олар анасынан айырылуға тура келіпті. 2012 жылдың 24 мамыр күні бес баланың анасы Светлана Тұрғанбаева өз үйінің табалдырығында отқа оранады.
"Бір уақытта олар бізге бас сала жүгіріп, бәрімізді итеріп жіберді. Сосын Елтоқов келіп анама айғай сала бастады: "Жаға алмайсыз ба? Көрейік, жағыңыз" деді. Сол арада олар бізге қайта тап бере бергенде анам өртеніп кетті. Бес жылдан бері әркез осы жағдай есіме түсіп, жүрегім жарыла жаздайды. Мұнда жүріп-тұру мен үшін өте ауыр", - деді зардап шеккен Айнұр Омарбаева.
Айнұрдың анасы қайтқаннан кейін төрт жыл өткен соң асқар тау әкесімен де айырылып қалады. Қызығы, отбасыны үйден шығарған әділет қызметкері пара алғаны үшін сотталыпты. Ал құжаттарды рәсімдеген нотариус өкіліне де жаза кесілген. Бірақ олар өзге факт бойынша жазаланған.
"Енді анам да жоқ, үйіміз болғанымен ол заңды түрде біздің атымызда емес. Дегенмен біз оны ақшаға сатып алғанбыз. Заң бойынша бізге тиесілі емес. Яғни баспанамыз жоқ. Далада қалдық", - деді қайтыс болған әйелдің қызы.
Елімізде сот қызметкерлерінің сотталуы сирек кездесетін жайт. Мәселен соңғы екі жылда 4 адам сотталған. Олар жемқорлық, алдап-арбағаны үшін және қызметін асыра пайдаланғаны үшін жауапқа тартылғандар. Ал тәуелсіз ел болғалы, шешімді дұрыс шығармаған судьяға байланысты жағдай тек екі рет болып отыр. Бірі - осы Өмірзақ Серімовке қатысты іс.
"Қазір білуімше, мұндай атышулы екі ғана істі айтуға болады. Бұл Күлпаш Өтемісова мен Өмірзақ Серімов. Қалған әділ қазылардың көбі заң бұзушылыққа іліксе, өз бетімен орнын босататын. Яғни судьяларға қатысты іс көбіне сотқа дейін жетпей қалады", - деді адвокат Серік Айтбаев.
Сотта Өмірзақ Серімов өзіне тағылған айыппен келіспеді. Енді ол айыпталушының орнында болса да, ол өзін толғандырған сұрақтарды қайта-қайта қойып безек таппады. Нәтижесінде істі мүлде тоқтатуға шағым түсірді. Десе де енді оған тағылып жатқан айыптар бойынша 8 жылға дейінгі бас бостандығынан айырылу қаупі төніп тұр.
