+7 (777) 001 44 99
Қазақша
Русский
English
БҚО-да "Чапай-Жаңақала-Сайхын" бағытындағы тасжолда болған жол апатының мән-жайын анықтау жөніндегі комиссия құрылды. Қайғылы оқиға кезінде сегіз адам қаза тауып, тағы төртеуі зардап шеккен, - деп хабарлайды Tengrinews.kz тілшісі.
БҚО әкімдігі мәліметінше, комиссия құрамына облыс прокуроры, облыстық полиция департаменті, төтенше жағдайлар департаменті және салалық басқармалар басшылары, Жаңақала ауданының әкімі кірген.
"Жұмыс тобы Жаңақала ауданында болған жол-көлік оқиғасына байланысты, оның мән-жайын толық әрі объективті анықтауды, сондай-ақ зардап шеккендерге қажетті көмек көрсетуді, жол-көлік оқиғасының себептері мен мән-жайына талдау жүргізіп, құзыретті органдармен өзара іс-қимылды қамтамасыз етеді", - делінген хабарламада.
Еске салайық, бұған дейін Батыс Қазақстан облысында жантүршігерлік жол апатынан сегіз адам қаза тапқаны туралы хабарланған болатын.
Аймақ полициясы мәліметінше, 17 қарашада облыстық маңызы бар Чапай - Жаңақала - Сайқын тасжолының 50-шақырымында Toyota Camry және Volkswagen Sharan көліктері соқтығысып, көліктердің бірі өртеніп кеткен. Зардап шеккен төрт адам ауруханаға жеткізілді.
Аталған дерек бойынша қылмыстық іс қозғалған.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
