БҚО-да көлік апатынан екі адам тірідей жанып кеткен

Орал-Атырау тас жолында болған ауыр апат екі адамның өмірін қиды. Батыс Қазақстан облысы Ақжайық ауданындағы Атамекен ауылының маңында Lada Vesta және Lada Priora көліктері бетпе-бет соқтығысқан. Соның салдарынан автокөліктер өртенген. Lada Priora автокөлігінің ішінде болған екі адам жанып кетті, - деп хабарлайды Tengrinews.kz тілшісі.

"Орал-Атырау жолының 209-шақырымында "Lada Vesta және Lada Priora автокөліктері бетпе-бет соқтығысқан. Соның салдарынан автокөліктер өртенген. Lada Priora автокөлігінің ішінде болған екі адам жанып кетті", – делінген БҚО ТЖ департаментінің баспасөз қызметінің хабарламасында. 

БҚО полиция департаменті түрлі жарақаттармен болған апат салдарынан Ақжайық аудандық ауруханасына 31 жастағы ер адам мен оның 30 жастағы әйелі жатқызылғанын хабарлады.

"Қаза болғандардың денелері сот-медициналық сараптамаға жіберілді. Аталған дерек бойынша ҚР ҚК 345-бабының 4-бөлігі "көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы" бойынша сотқа дейінгі тергеу басталды. Бірқатар сараптама тағайындалды",-деді БҚО полиция департаментінің баспасөз қызметі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!