1. Басты
  2. Біл
  3. Оқиға
  4. Тосын жай

БҚО-да сұмдық жол апатынан 4 адам қаза тапты

Видео кадрлары Видео кадрлары

БҚО-да жантүршігерлік жол апатынан 4 адам қаза тапты, - деп хабарлайды Tengrinews.kz тілшісі Батыс Қазақстан облыстық ІІД баспасөз қызметіне сілтеме жасап. 

Төтенше оқиға 2 маусымда Орал - Ақсай тасжолының 77-ші шақырымда шамамен 19:00-де Бөрлі ауылына жақын маңда болған. Volkswagen Sharan маркалы екі көлік бетпе-бет соқтығысқан. 

Volkswagen көлігінің жүргізушісі тізгінге ие бола алмай, қарсы бағытқа шығып кеткен де, маркалас көлікпен бетпе-бет соқтығысқан. Соққы салдарынан оқиға орнында 3 адам қаза тапқан және 9 адам түрлі жарақатымен Ақсай қаласындағы және Федоровка ауылындағы аудандық орталық ауруханасына жатқызылған. 


Куәгер жолдаған сурет

Кейін зардап шеккен 1975 жылғы әйел 22.55-те қайтыс болды. 

ІІД мәліметінше, бұл дерек ҚР Қылмыстық кодексінің 345-бабының 4-бөлігі бойынша соталды тергеу бірыңғай реестріне тіркелген. Тергеу жүріп жатыр.


Куәгер жолдаған видео