+7 (777) 001 44 99
Қазақша
Русский
English
Қазақша
Русский
English
СІМ бірінші орынбасары Ақан Рахметуллин Батыс Қазақстан облысына ұшқышсыз ұшу аппараты құлауына қатысты пікір білдірді, - деп хабарлайды Tengrinews.kz тілшісі.
Мәжіліс дәлізінде журналистер министрлік өкілінен Қазақстанға құлаған дрон кімге тиесілі екені жөнінде ведомствода ақпарат бар-жоғын сұрады. Рахметуллин министрлік кейінірек ресми мәлімдеме жасайтынын жеткізді.
"Мәлімдеме жасалады, бірақ қазір аппарат қайдан ұшып келгені, кімдікі екені туралы ақпарат жоқ. Тергеу жүргізіліп жатыр. Бұл кімнің дрон екені, оны кім іске қосқаны туралы ақпарат пайда болғанда нақты шешімдер қабылдаймыз", - деді министрдің орынбасары.
Мәжіліске сыртқы істер министрінің тағы бір орынбасары Әлібек Қуантыров қатысты. Ол Батыс Қазақстан облысында табылған дрон бойынша тергеу жүргізіліп жатқанын растады.
"Құзыретті органдар анықтасын. Содан кейін бәрі түсінікті болады", - деді ол.
Еске салайық, бұған дейін Батыс Қазақстан облысының Жәнібек ауданында белгісіз ұшқышсыз ұшу аппаратының сынықтары табылды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
