+7 (777) 001 44 99
Қазақша
Русский
English
Астана соты бортсерік қыздың мазасын алған ер адамды жазалады, - деп хабарлайды Tengrinews.kz тілшісі қалалық соттың баспасөз қызметіне сілтеме жасап.
Оқиға 2016 жылдың 30 желтоқсанында болған. Ведомство мәліметінше, ер адам "Эйр Астана" бортында мас күйінде болып, бортсеріктің мазасын алған.
"Жолаушы өз әрекеттерімен қыздың ар-намысына тиіп, қоғамдық тәртіпті бұзып, басқа да адамдарға кедергі келтірді", - делінген соттың хабарламасында.
"Астана қалалық мамандандырылған ауданаралық әкімшілік соттың шешімімен, ер адам ҚР Әкімшілік құқық бұзушылық туралы кодексінің 434-бабының 1-бөлігі бойынша әкімшілік жауапкершілікке тартылып, 1 тәулікке қамауға алынды. Сот үкімі заңды күшіне енген жоқ", - деді соттағылар.
