+7 (777) 001 44 99
Қазақша
Русский
English
Батыс Қазақстан облысында өткен жылы 18 қарашада жоғалып кеткен 33 жастағы ер адамның мүрдесі табылды, - деп жазады "Мой ГОРОД".
Казталовка ауданындағы Талдықұдық ауылдық округінің тұрғыны өз көлігімен мал іздеп шыққан, алайда қайтып оралмаған. Оның денесі 22 сәуірде Талдықұдық ауылынан бес-алты шақырым жердегі Киров-Шыжын арнасынан табылды.
24 сәуірде жерлеу рәсімі болды. Ол жоғалып кеткен уақытта, іздеу шаралары жүргізілді. Бір ай өткеннен кейін ол тоқтатылды. Іздеу шараларына тек ауыл тұрғындары емес, сүңгуірлер де жұмылдырылған еді", - деді Казталов ауданы әкімдігінің өкілі Жандос Дүйсенғалиев.
"Ол суға батқан болуы мүмкін", - дейді шенеунік.
Басылым мәліметінше, ер адамның денесін тым көп уақыт өткеніне байланысты Оралдағы сот-медициналық сараптамаға жіберу мүмкін болмаған. Сараптама сол жерде жүргізілген, қорытындысы әзірше белгісіз.
