+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Денис Теннің өліміне қатысты іс бойынша сотталған адам Жоғарғы сотқа кассациялық шағым түсірді, - деп хабарлайды Tengrinews.kz тілшісі.
Денис Теннің өліміне қатысты іс бойынша сотталған адам Жоғарғы сотқа кассациялық шағым түсірді, - деп хабарлайды Tengrinews.kz тілшісі.
Сот кабинетінде сотталған Арман Құдайбергеновтің атынан Жоғарғы сотқа кассациялық шағым түскені көрсетілген. Кассациялық шағымды қарау 2024 жылғы 8 тамызға белгіленді.
2019 жылғы қаңтарда Арман Құдайбергенов Денис Теннің өліміне кінәлі деп танылып, 18 жылға бас бостандығынан айырылды. Іс бойынша екінші айыпталушы Нұралы Қиясов та 18 жылға қатаң режимдегі колонияда жазасын өтейтін болды.
Бұл іске Жанар Толыбаева да қатысты. Ол орташа қауіпсіздік мекемесінде 4 жылға сотталды, бірақ бір жылдан кейін, 2019 жылғы желтоқсанда ол қамаудан босатылды. Сот оның денсаулық жағдайына және қамауда баласы бар болуына байланысты жазаның өтелмеген бөлігін бас бостандығын шектеумен ауыстыру туралы шешім қабылдады. Ол кейінірек колонияға оралды және ақыры 2021 жылғы желтоқсанда босатылды.
Айта кетейік, Денис Тен 2018 жылғы 19 шілдеде Алматыдағы Құрманғазы мен Байсейітова көшелері қиылысында көлік ұрыларымен қақтығыс кезінде қаза болды. 21 шілдеде Денис Тенді ақтық сапарға шығарып салу рәсімі өтті.
Кейінірек Денис Теннің көлігіндегі айналарды Арман Құдайбергенов шешіп алғаны белгілі болды. Оның сыбайласы Жанар Тойлыбаева осы уақытта көліктен жеті метр қашықта тұрған. Алайда ол жанынан өткен Денис Тенді байқамаған. Конькимен сырғанаушы көлігінің маңындағы бейтаныс адамдарды көріп, оларға кедергі жасауға тырысқан. Осылайша, Арман Құдайбергенов пен Денис Тен арасында төбелес басталған. Осы кезде Нұралы Қиясов артынан келіп, Денис Тенге екі рет пышақ сұғып алған. Жарақат өлімге әкеп соққан. Міне, осылай қазақ спорты тарихындағы жарқын бейне келмеске кетті.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
