+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Дубайда жүріп ұсталған батысқазақстандық азаматтың мәлімдеуінше, араб елінің арнайы қызметі оларды Сириядағы қазақстандықтармен байланысы бар деп күдіктенген деп хабарлайды Tengrinews.kz "Астана" арнасына сілтеме жасап. Мұндай тосын жай туралы Дубайда қамауда отырып, таяуда ғана елге оралған Асылбек Шұқыранов есімді азамат айтып отыр. Қамауға алынғаннан кейін арабтың арнайы қызметі олардан заңсыздық әрекет таппағаннан кейін елге қайтарылған көрінеді. "Олар бізді Сириядағы қазақтармен байланысы бар деп кінәлады. Қиын кезде бізге қол ұшын созған Қазақстан билігіне алғыс айтамыз. Шынын айтсақ, арабтардың мұсылмандарға мұндай көзқараста болатынын күтпеп едік. Қазір аман-есен елге оралдық, бірақ отбасымыз сонда қалды. Оларды қайтарып алуға ел билігінің көмектесетінінен үміттіміз", - дейді қамауда болғандардың бірі оралдық Асылбек Шұқыранов. Шетелде жүріп қамауға алынғандардың бірі Мирғалым Сейітқалив: "Жолдасым қалды менің, ол кісімен хабарласып тұрамыз. Елшілікке документтерін тапсырды. Енді қағаз күтіп отырмыз, мәселелер шешіледі деді. Иншалла, шешіледі деп отырмыз. Мына жақтан хабарласып, көмектеседі деп жатыр", - дейді өзінің отбасы туралы. Бұл оқиға өткен жылдың қазан айының 30 күні Біріккен Араб Әмірлігінде орын алған болатын. Қамауға алынғандардың бірі Асылбек Шұқыранов ұзақ жылдардан бері сол жақта көлік саудасымен айналысқан. Шулы оқиғадан кейін отандасымыздың фирмасы да жіті тексеріліп, жұмысынан заңға қайшы әрекет анықталмаған. Дубай түрмесінен босап шыққан олардың отбасылары елге қашан қайтарылатыны әзірге белгісіз.
Дубайда жүріп ұсталған батысқазақстандық азаматтың мәлімдеуінше, араб елінің арнайы қызметі оларды Сириядағы қазақстандықтармен байланысы бар деп күдіктенген деп хабарлайды Tengrinews.kz "Астана" арнасына сілтеме жасап.
Мұндай тосын жай туралы Дубайда қамауда отырып, таяуда ғана елге оралған Асылбек Шұқыранов есімді азамат айтып отыр. Қамауға алынғаннан кейін арабтың арнайы қызметі олардан заңсыздық әрекет таппағаннан кейін елге қайтарылған көрінеді.
"Олар бізді Сириядағы қазақтармен байланысы бар деп кінәлады. Қиын кезде бізге қол ұшын созған Қазақстан билігіне алғыс айтамыз. Шынын айтсақ, арабтардың мұсылмандарға мұндай көзқараста болатынын күтпеп едік. Қазір аман-есен елге оралдық, бірақ отбасымыз сонда қалды. Оларды қайтарып алуға ел билігінің көмектесетінінен үміттіміз", - дейді қамауда болғандардың бірі оралдық Асылбек Шұқыранов.
Шетелде жүріп қамауға алынғандардың бірі Мирғалым Сейітқалив: "Жолдасым қалды менің, ол кісімен хабарласып тұрамыз. Елшілікке документтерін тапсырды. Енді қағаз күтіп отырмыз, мәселелер шешіледі деді. Иншалла, шешіледі деп отырмыз. Мына жақтан хабарласып, көмектеседі деп жатыр", - дейді өзінің отбасы туралы.
Бұл оқиға өткен жылдың қазан айының 30 күні Біріккен Араб Әмірлігінде орын алған болатын. Қамауға алынғандардың бірі Асылбек Шұқыранов ұзақ жылдардан бері сол жақта көлік саудасымен айналысқан.
Шулы оқиғадан кейін отандасымыздың фирмасы да жіті тексеріліп, жұмысынан заңға қайшы әрекет анықталмаған. Дубай түрмесінен босап шыққан олардың отбасылары елге қашан қайтарылатыны әзірге белгісіз.
