+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қызылорда облысында құлаған Ми-8 тікұшағының экипажы қаза тапты. Бұл туралы Қазақстан Президенті Қасым-Жомарт Тоқаев Twitter желісіндегі парақшасында мәлімдеді, - деп хабарлайды Tengrinews.kz тілшісі.
Қызылорда облысында құлаған Ми-8 тікұшағының экипажы қаза тапты. Бұл туралы Қазақстан Президенті Қасым-Жомарт Тоқаев Twitter желісіндегі парақшасында мәлімдеді, - деп хабарлайды Tengrinews.kz тілшісі.
"Қызылорда облысында Қорғаныс министрлігінің тікұшағы апатқа ұшырады. Әскери жаттығу кезінде Ақтау-Шымкент бағытында ұшқан. Өкінішке қарай, экипаж мүшелері қаза тапты. Тергеу жұмыстары жүргізіледі. Қаза тапқандардың туыстарына көңіл айтамын. Отбасыларына материалдық көмек көрсетіледі", - деп жазды Қазақстан Президенті.
Еске салайық, бүгін Қызылорда облысында Қорғаныс министрлігінің тікұшағы құлады. 2019 жылдың 27 наурызында Қазақстан ҚК ӘҚК Әскери әуе күштерінің тікұшағы апатқа ұшырады. Алдын ала мәлімет бойынша, қаза тапқандар бар. Қаза тапқандар мен зардап шеккендердің саны мен жағдайы анықталу үстінде. 4 тікұшақ Ақтау қаласынан Шымкентке қарай бағыт алған еді. Ұшу түнгі уақытта метеорологиялық қиын жағдайда кешенді тексеріс және "Алтын жебе" арнайы бөлімшелерінің жаттығуы аясында іске асырылған. Тікұшақ бортында 13 адам болған.
Қорғаныс министрі генерал-майор Нұрлан Ермекбаевтың бұйрығымен Қорғаныс министрлігінің арнайы комиссиясы құрылып, оқиға орнына аттанды. Қазіргі уақытта екі тікұшақ Қызылордаға қонды, біреуі апат орнына оралды.
Қорғаныс министрлігі мен Ішкі істер министрлігі бірігіп, әуе апатының себебі мен мән-жайын анықтау үшін тергеу бастады. ІІМ ТЖ жөніндегі комитететінің мәліметінше, МИ-8 Қызылорда облысы Жалағаш ауданында құлаған. Тікұшақ белгісіз жағдайларда құлап, толықтай өртеніп кеткен.
