05 қыркүйек 2023 | 10:15

Ер адам жол апатынан соң оқиға орнынан қашып кеткен

Алматыда ер адам жол апатынан кейін оқиға орнынан қашып кеткен, - деп хабарлайды Tengrinews.kz тілшісі.

Оқиға 5 қыркүйекке қараған түні Саин мен Шаляпин көшелерінің қиылысында болған.

"Түнде сағат 1:35 шамасында Mercedes маркалы автокөлік жүргізушісі Саин көшесімен солтүстік бағытта жүріп, Шаляпина көшесінің қиылысында қашықтықты сақтамай, төрт бірдей Nissan, Mercedes, Toyota Land Cruiser Prado және Chevrolet секілді автомобильдермен соқтығысқан. Кейін кінәлі апат орнынан жаяу қашып кеткен", - деп хабарлады қалалық полиция департаменті.

View this post on Instagram

A post shared by @alqabay_news

Құқық қорғау органдары жүргізушінің жеке басын анықтаған. Кінәліні ұстау үшін шаралар қабылданып жатыр.

"Жол апаты салдарынан Nissan маркалы автокөліктің жүргізушісі мен жолаушысы зардап шекті. Бұл деректі Әуезов аудандық полиция басқармасының қызметкерлері өндіріске қабылдады", - деп толықтырды Алматы ПД баспасөз қызметі.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

жол апаты Қашу Алматы

TENGRI travel