+7 (777) 001 44 99
Қазақша
Русский
English
"Қазақстан темір жолы" ҰК" АҚ пойызбен Маңғыстаудан Алматыға шыққан спортшы балалар оқиғасына қатысты пікір білдірді, - деп хабарлайды Tengrinews.kz тілшісі.
Компанияның баспасөз қызметі мәліметінше, №13/14135 вагоны Алматыдан Маңғыстауға шыққанда техникалық жарамды жағдайда болған. Бұл ретте жолда вагондағы температура режимінің бұзылуына байланысты басшылық вагонды ауыстыру туралы шешім қабылдаған. Қазір бұл құрам жолда, температура режимі сақталған, вагон құрылғылары қалыпты жұмыс істеп тұр, жолаушылар тарапынан шағым жоқ.
"Осы факт бойынша "Жолаушылар тасымалы" АҚ облыстық филиалында қызметтік тексеру жүргізіледі", - делінген хабарламада.
Еске салайық, кішкентай спортшылар ата-аналарымен бірге Алматыға таэквондодан жарысқа бара жатқан. Вагон ескі, іші суық болғандықтан, ата-аналар шу шығарып, Маңғыстау станциясында пойызды тоқтатқан. Олар жаңа вагон беруді талап еткен.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
