+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Жол апатынан зардап шеккен Екібастұз тұрғыны ісінде күтпеген дерек айтылды. Адам өліміне әкеп соқтырған жол-көлік оқиғасына қатысты қылмыстық сот процесі барысында бұған дейін куәгер мәртебесінде болған ер адам айыпталушы болды, - деп хабарлайды Tengrinews.kz тілшісі.
Жол апатынан зардап шеккен Екібастұз тұрғыны ісінде күтпеген дерек айтылды. Адам өліміне әкеп соқтырған жол-көлік оқиғасына қатысты қылмыстық сот процесі барысында бұған дейін куәгер мәртебесінде болған ер адам айыпталушы болды, - деп хабарлайды Tengrinews.kz тілшісі.
Зардап шеккен ер адамның әйелі жол-көлік оқиғасынан бес ай өткен соң жүргізілген автотехникалық сараптама қорытындысы бойынша, күйеуі қылмыстық істе негізгі айыпталушыға айналғанын айтты. Былтыр қыркүйекте Екібастұздағы жанар-жағармай құю бекеттерінің бірінің маңында адам өліміне әкелген апат болды.
"Менің күйеуім Астанадан Екібастұзға қайтып келе жатып, екі жолаушы алған. Алдыңғы орындықта бір қыз, ал күйеуімнің артында бір ер адам отырған. Энергетиктер көшесімен келе жатып, кенеттен Toyota Camri 30 көлігі соққан. Жүргізуші қатты жылдамдықпен келе жатқан. Кейінірек білуіміз бойынша, ол жол бойында қаңғыбас итті көріп, оны айналып өтпек болады. Содан кейін тізгінге ие бола алмай, күйеуімнің көлігіне соқтығысқан", - деді жәбірленушінің әйелі.
Оның айтуынша, бетпе-бет соқтығыс салдарынан Toyota Camry жүргізушісі оқиға орнында қаза тауып, оның күйеуі мен екі көліктің үш жолаушысы ауруханаға жеткізілген.
"Соталды тергеп-тексеру ҚР ҚК-ның 345-бабы бойынша жүргізілді. Тергеу барысында күйеуім бірнеше рет тергеуге келді, олар күйеуімнің кінәсі жоқ деп сендірді. Ақпанда біз бес айдан кейін жүргізілген автотехникалық сот сараптамасы нәтижелері бойынша жұбайымның іс-әрекеттерінде де заңбұзушылықтар бар екенін білеміз. Біз бұл бұған таңғалдық. Адвокат жалдауға мәжбүр болдық, олар менің жұбайыма күдікті, содан кейін айыпталушы мәртебесі берілгенін білдік. Біз қайта тексеруді сұрадық, бірақ бас тартты", - дейді әйел.
Ол жол-көлік оқиғасы орнынан түсірілген видео мен куәгерлердің сөздері күйеуінің кінәсіздігін дәлелдейтінін айтты.
"2022 жылғы 23 қыркүйекте сағат 22:20 шамасында болған жол-көлік оқиғасы дерегі бойынша ҚР ҚК-ның 345-бабы, 3-бөлігі бойынша соталды тергеу жүргізіліп жатыр. 16 наурызда соталды тергеп-тексеруге қатысушыларға соталды тергеп-тексерудің аяқталғаны туралы хабарланды, іс материалдарымен танысу басталды. Танысу аяқталғаннан кейін айыптау актісін жасау және қылмыстық істі ҚІЖК-нің 300-бабы тәртібімен прокуратураға жіберу жоспарланған", - деп түсіндірді Tengrinews.kz-ке Павлодар облысы полиция департаментінің баспасөз қызметі.
Бап бес жылға дейінгі мерзімге белгілі бір лауазымдарды атқару немесе белгілі бір қызметпен айналысу құқығынан айыра отырып, бес жылға дейін бас бостандығынан айыруды көздейді.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
