+7 (777) 001 44 99
Қазақша
Русский
English
Қазақша
Русский
English
Ингушетия республикасының Назрань қаласының тұрғындары федерал тасжолда қалып қойған алысқа қатынайтын қазақстандық жүргізушілерге кешкі ас жасап берді, - деп хабарлайды Tengrinews.kz тілшісі.
Жүк көліктерінің жүргізушілері кешкі ас дайындап жатқан жергілікті тұрғындарды видеоға түсіріп алған. Видео авторының сөзінше, жүргізушілер Назрань қаласынан бірнеше шақырым, шекарадан 70-80 шақырым жерде тұрғандарын айтады.
Instagram-дағы алысқа қатынайтын жүргізушілердің тобында жарияланған видеода жол бойында тұрған бірнеше жүк көлігі көрсетілген.
"Шекараға дейін әлі 70-80 шақырым. Жергілікті тұрғындар жүргізушілерге кешкі ас дайындап жатыр. Рақмет сіздерге, жігіттер", - дейді ролик авторы.
Жергілікті тұрғындардың бірінің сөзінше, жүргізушілердің жолда тұрғанына үш күн болған.
"Біздің бауырларымыз мына жерде тұрғанын, ешқайда шыға алмай тұрғанын көрдік. Көмектесейік деп ойладық. Үйімізге жақын жерде тұрса үйге алып барар едік. Бірақ олар федерал тасжолда, үйімізден алыс жерде тұрғандықтан жолда ыстық тамақ жасап, бауырлас қазақстандықтарға қалай да көмектесуді ойладық. Себебі біз олардың 1944 жылдары біздің әкелерімізге, аталарымызға жасаған жақсылықтарын ұмытпадық. Сондықтан, бауырлар, сіздерге рақмет, біз оны ұмытпадық", - дейді жергілікті тұрғын.
Видео сипаттамасында ролик 19 наурызда түсірілгені жазылған.
Посмотреть эту публикацию в Instagram
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
