Жамбыл облысында 29 жастағы әйел қырым қанды безгегін жұқтырды

19 Мамыр 2018, 09:23
0
Жамбыл облысында 29 жастағы әйел қырым қанды безгегін жұқтырды - © alashainasy.kz
© alashainasy.kz

Жамбыл облысында қырым қанды безгегін жұқтырған келіншек ауруханаға түсті, деп хабарлады КТК.

Телеарнаның мәліметінше, қауіпті кеселмен жатқызылған Сарысу ауданының тұрғыны жақындарын аяғынан тік тұрғызған. Өйткені науқас өте ауыр жағдайда болыпты.

"29 жастағы келіншектің дертімен алысқан ақ халаттылар әзер дегенде бетін бері қаратқан. Сырқаттың дер кезінде дәрігерлерге қаралуы да абырой болды. Оны нақты қай жерінен, қай жерде кене шаққаны белгісіз. Үйінде мал ұстағандықтан, сол төрт түліктің бірінен тараған болуы ықтимал", - деп хабарлады тілші.

Осы оқиғадан кейін қора-қопсы түгел залалсыздандырылған. Бұл - Сарысуда биыл осымен екінші рет тіркелген жағдай. Өткен айда 11 жастағы бала кесел жұқтырып, әзер аяғына тұрған. Ал былтыр Байзақ ауданында 39 жастағы бес баланың анасын кене шағып, ол ажал құшқан еді. Жалпы, Жамбыл өңіріндегі бес аудан мен Тараз қаласында конго-қырым қанды безгегінің табиғи ошағы бар. Ал соңғы ауырған әйелдің жағдайы дұрысталып келеді.

"Қазіргі таңда жағдайы бір қалыпты. Қызуы төмен түскен. Толық көлемде емін алып жатыр. Қазір ол Сарысу аудандық инфекциялық бөлімде жатыр", - деді Жамбыл облыстық Қоғамдық денсаулық сақтау департаментінің бөлім басшысы Күмісбек Рахимов.

Дереккөз: КТК.

Получить короткую ссылку


  • Подписаться на канал новостей TengriNews:

  • Google News
  • Yandex News
  • Yandex Zen

Нравится Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай