1. Басты
  2. Біл
  3. Оқиға
  4. Тосын жай

Жамбыл облысында көлікте өрт шығып, екі жасар сәби қаза тапты19 маусым 2017, 11:44

Иллюстрациялық сурет Иллюстрациялық сурет

Жамбыл облысында көлікте болған өрттен екі жасар сәби қаза тапты, - деп хабарлайды Tengrinews.kz тілшісі ТЖД өкілдеріне сілтеме жасап. 

Оқиға 18 маусымда сағат 11:30-да Жамбыл ауданындағы Ерназар ауылында болған. Жеке тұрғын үйдің ауласында "ВАЗ-2105" маркалы көлігі өртеніп кеткен. 

"Өрт салдарынан 3-4-ші дәрежелі күйік шалған, денесінің 90 пайызы күйіп, Тараз қалалық № 2 ауруханасына 2015 жылғы қыз бала түскен. Ол 22:35-те қайтыс болды. Өртті үйдегілер өз күшімен сөндірген. Өрт сөндіру қызметіне төтенше жағдай туралы хабар түспеген", - деді Жамбыл облыстық ТЖД өкілдері. 

Куәгерлер мәліметінше, бала көлік ішінде сіріңкемен ойнап отырған.