+7 (777) 001 44 99
Қазақша
Русский
English
Қазақша
Русский
English
Жамбыл облысы Қызылшаруа ауылында Наурыз мерекесі кезінде сахна алдында отырған адамдарға шапқан жылқының иесі әкімшілік жауапкершілікке тартылады, - деп хабарлайды Tengrinews.kz тілшісі.
Бұл туралы облыстық Полиция департаменті мәлімдеді.
"22 наурызда әлеуметтік желілерде жылқы үркіп, шабандозды жығып, көпшілікке шапқаны туралы видео жарияланды. Бұл оқиғаны полиция тіркеді", - деп жазылған хабарламада.
Ведомство мәліметінше, азаматтар ауыр дене жарақатын алмаған және медициналық көмекке мұқтаж болмаған.
"Полиция қызметкерлері тексеріс жүргізді, жануардың иесі анықталды, ол әкімшілік жауапкершілікке тартылады", - деп түсіндірді департаменттің баспасөз қызметі өкілі.
Айта кетейік, тосын оқиға 22 наурызда Жамбыл облысы Қызылшаруа ауылында болды. Наурыз мерекесін тойлау кезінде жылқы адамдарға шапқан.
Жергілікті билік зардап шеккендер жоқ екеніне сендірді, ал болған оқиғадан кейін мерекелік іс-шара жалғасқан. Оқиға орнынан түсірілген кадрлар әлеуметтік желілерде жарияланды.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
