+7 (777) 001 44 99
Қазақша
Русский
English
Жамбыл облысында полиция қызметкері қызметтік міндетін атқару кезінде қаза тапты, - деп хабарлайды Tengrinews.kz тілшісі.
Қайғылы оқиға 11 ақпанда сағат 19:40-та Алматы-Ташкент тасжолының 203-шақырымында болған. Volkswagen Passat маркалы көліктің жүргізушісі қарама-қарсы қозғалыс жолағына шығып, бекітілген аумақта жол қауіпсіздігін қамтамасыз етіп жүрген патрульдік көлікпен соқтығысқан.
Жол апаты салдарынан қызметтік көлікте болған екі полиция қызметкері әртүрлі дене жарақаттарымен Қордай аудандық орталық ауруханасына жеткізілді.
"Жамбыл облысы ПД патрульдік полиция батальонының аға инспекторы Үшкемпір Абай Бақытбекұлы 12 ақпанда аурухананың жансақтау бөлімінде көз жұмды", - деп жазылған хабарламада.
Полиция аға лейтенанты Абай Үшкемпір ішкі істер органдарында 2017 жылғы 14 желтоқсаннан бері қызмет атқарған, ал қазіргі қызметіне 2025 жылғы 6 ақпанда тағайындалған. Қызмет еткен жылдары ішінде 9 мәрте марапатталған.
Жамбыл облысы Полиция департаменті марқұмның туыстары мен жақындарына қайғырып, көңіл айтады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!
