Жамбыл облысындағы тасжолда 26 көлік ірі жол апатына ұшырады

видео кадры

Батыс Еуропа – Батыс Қытай тасжолының Жуалы ауданы Нұрлыкент ауылы маңында 26 көлік ірі жол-көлік оқиғасына ұшарады. Апатқа қарлы боран мен тасжолдағы көктайғақ себеп болған, - деп хабарлайды Tengrinews.kz тілшісі.

Батыс Еуропа – Батыс Қытай тасжолының Жуалы ауданы Нұрлыкент ауылы маңында 26 көлік ірі жол-көлік оқиғасына ұшарады. Апатқа қарлы боран мен тасжолдағы көктайғақ себеп болған, - деп хабарлайды Tengrinews.kz тілшісі.

Жамбыл облысы ПД мәліметінше, 31 қаңтарда таңертең "Батыс Еуропа – Батыс Қытай" республикалық маңызы бар тасжолдың 567-шақырымында ірі жол апаты болған.

Фото: Жабыл облысы ПД

"Ауа райының қолайсыздығынан (көктайғақ, жолдың көрінбеуі, қарлы боран) 26 көлік (4 жолаушылар автобусы, 4 жүк көлігі және жеңіл көлік) жол-көлік оқиғасына тап болды. Апат салдарынан қаза тапқандар жоқ. Момышұлы ауылындағы орталық аудандық ауруханаға 25 адам түсті", - деп хабарлады облыстық Полиция департаменті.

Тараздан 593-шақырымнан 534-шақырымға дейінгі жол екі бағытта жабық екені хабарланды. Оқиға орнында полиция қызметкерлері жұмыс істеп, оқиғаның мән-жайы анықталып жатыр.

Жамбыл облысының Полиция департаменті әсіресе ауа райының қолайсыз жағдайында жол қозғалысы ережелерін қатаң сақтау қажет екенін еске салады.

Сілтемесіз жаңалық оқисыз ба? Онда Telegram желісінде парақшамызға тіркеліңіз!