+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Павлодарда автобус жол апатына ұшырап, төрт адам зардап шекті, - деп хабарлайды Tengrinews.kz тілшісі.
Павлодарда автобус жол апатына ұшырап, төрт адам зардап шекті, - деп хабарлайды Tengrinews.kz тілшісі.
Павлодарда жолаушылар автобусының жүргізушісі тізгінге ие бола алмай жол шетіндегі жарнама бағанына соқтығысқан. Нәтижесінде төрт адам, оның ішінде екі бала ауруханаға жеткізілді. Оқиға орнында полиция жұмыс істеп жатыр.
Оқиға болған сәтте зардап шеккеннің бәрі автобус ішінде болған. Оқиға 14 мамырда сағат 07.43-те Павлодар қаласындағы көше қиылыстарының бірінде болған.
"Торайғыров және Бектұров көшелері қиылысында № 38 автобустың 44 жастағы жүргізушісі көлікті басқара алмай, жол белгісі мен жарнама бағанына соқтығысты. ЖКО салдарынан екі бала, сондай-ақ екі ересек адам ауруханаға жатқызылды",-деді Павлодар облысы полиция департаментінің баспасөз қызметі өкілдері.
Медициналық сараптама арқылы жүргізушінің оқиға болған сәтте сау болғаны анықталған.
"Дерек тіркеліп, тексеру жүргізіліп жатыр. Сараптама тағайындалды. Оқиға орнында полиция қызметкерлері жұмыс істеп жатыр", - деді облыстық ПД баспасөз қызметі өкілдері.
Апат кезінде автобуста қанша адам болғаны әлі белгісіз. Полиция қызметкерлері келгенде салонда жолаушылар болмаған.
Павлодар облысы Денсаулық сақтау басқармасы мәліметі бойынша, оқиға орнына үш жедел жәрдем бригадасы барған. Қазір зардап шеккендердің жағдайы анықталып жатыр.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
