Жоғарғы сот адам өліміне әкелген төбелеске қатысты істі жаңа сот талқылауына қайтарды

Фото ©️ Tengrinews.kz / Турар Казангапов

Жоғарғы соттың қылмыстық істер жөніндегі алқасы адам өлтіргені үшін 9 жылға сотталған ер адамның үкімін қайта қарады, - деп хабарлайды Tengrinews.kz тілшісі.

Жоғарғы соттың қылмыстық істер жөніндегі алқасы адам өлтіргені үшін 9 жылға сотталған ер адамның үкімін қайта қарады, - деп хабарлайды Tengrinews.kz тілшісі.

Сот үкімі бойынша, Б., ҚК-нің 106-бабының 3-бөлігімен сотталған ("Абайсызда жәбірленушінің өліміне әкеп соққан денсаулыққа қасақана ауыр зиян келтіру"). Оған 9 жылға бас бостандығынан айыру жазасы тағайындалған.

"Сот алқасы іс материалдарын зерделей келе, мынадай қорытындыға келді. Сот үкіміне сәйкес, жәбірленуші Б.-ны итеріп, кейін оның бетінен жұдырықпен ұрған. Осыған жауап ретінде Б., жәбірленушіні жұдырығымен жақ аймағына екі рет ұрып, салдарынан жәбірленуші құлап бара жатқанда басының артқы жағын бетон қабырғаға соғып, абайсызда жәбірленуші қайтыс болған", - делінген хабарламада.

Бұл іс бойынша жәбірленушіге жүргізілген сараптамалар жәбірленушінің өліміне жабық бас сүйек-ми жарақаты себеп болғаны анықталды.

"Жауап алу кезінде сарапшы жұдырықтасу салдарынан бас-ми жарақатының болуы мүмкіндігін жоққа шығарған.

Сонымен бірге, сарапшылардың қорытындыларындағы қарама-қайшылықтар барлық жарақаттардың құлау нәтижесінде пайда болуы, содан кейін бетке соғылғаннан кейін бетон қабырғаға соққы туралы немесе бастың қабырғаға соққысы және одан кейінгі құлау жойылмаған болса, сарапшылар соққы берілген жерді сипаттамаған, жәбірленушіден табылған жарақаттардың нақты қайсысының жәбірленушінің денсаулығына ауыр зиян келтіргенін және оның өлімімен тікелей себепті байланысын көрсетпеген".

Куәнің айғақтарын тексеру және нақтылау хаттамасынан анықталғандай, соңғысы сотталғанның жәбірленушіні сол жақ жұдырығымен оң жақтан төменгі жақ сүйегінің аймағынан, содан кейін оң жақ жұдырығымен сол жақтағы бет аймағына ұрғанын көрген. Одан кейін жәбірленуші тепе-теңдігін жоғалтып, артқа қарай құлап, қабырғаға соғылған. Сонымен қатар, жәбірленушінің оң жақ сүйегінің аймағында ешқандай зақым табылмаған.

Істің барлық мән-жайларын толық, жан-жақты және объективті тергеп-тексеру туралы ҚПК-нің 24-бабының талаптарын толық сақтау, айыптау және қорғау тарапының дәлелдерін тексеру қажет деген қорытындыға келіп, сот алқасы адвокаттың өтінішхатын қанағаттандырып, істі жаңа сот талқылауына қайтарды.

Сілтемесіз жаңалық оқисыз ба? Онда Telegram желісінде парақшамызға тіркеліңіз!

Жоғарғы сот қылмыс Төбелес