Tengri FM Радиосы Радио Жұлдыз FM Қазақстан заңдары Экономика сабақтары
KZ RU EN
Бізге жазба жолдау +7 (727) 388 8124
искать через Tengrinews.kz
искать через Google
искать через Yandex
USD / KZT - 332.68
EUR / KZT - 389.40
CNY / KZT - 49.85
RUB / KZT - 5.60

Жол-көлік оқиғасына кінәлі әскери зардап шегушілермен ымыраға келді

31 Қазан 2014, 15:54
0
Қызметтік куәлік. ©autolafa.kz
Қызметтік куәлік. ©autolafa.kz

Ақтөбеде жол-көлік оқиғасына кінәлі болған Әуе қорғанысы күштері Әскери институтының офицері Мұхит Әубәкіров сотта жауап бермейтін болды, - деп хабарлайды "РИКА ТВ". Еске сала кетейік, ол жаяулар жолында екі қызды қағып кетіп, оқиға орнынан қашпақ болған еді. Бірақ оқиға куәгерлері оны ешқайда жібермей ұстап қалды.

Куәгерлер жол-көлік оқиғасына кінәлі офицерді өздері жазаламақ болды, бірақ полицейлер оған араша түсті. Содан кейін Әубәкіров зардап шеккен қыздардың туыстарының үстінен полицияға шағым түсірді. Бұл оқиға бойынша полиция қылмыстық іс қозғады. Бірақ іс тараптардың ымыраласуымен тоқтатылды. Жол апатын жасады деп айыпталушы зардап шеккендердің әрқайсысына 2 миллион теңгеден төледі. Ол сонымен бірге полициядан өзіне шабуыл жасаған ер адамдарға қатысты шағымын қайтып алды. "Бұл бап бойынша осындай жайт қарастырылған. Қыста күшіне енетін жаңа Қылмыстық кодекс бойынша мұндай мәселе тек сотта ғана шешілетін болады", - деп түсінік берді облыстық ІІД баспасөз қызметкерлері.

Айта кетейік, Ақтөбедегі атышулы жол-көлік оқиғасы 2014 жылдың 13 тамызы күні болды, жол апатына кінәлі адам жұмыстан шеттетілді, ол жұмыстан өз еркімен кетуге арыз жазды. Прокуратура мамандары оқиға куәгерлерінің ісін айыптады. "Аталған азамат жол-көлік оқиғасына кінәлі болғанымен, ол сот қана іске асыратын төреліктің нәтижесінен басқалай жазалауға ұшырауға міндетті емес", - деді қадағалау ведомствосының өкілдері.

 


Нравится
Поделиться
Пікір қалдырыңыз
Оқылып жатыр
Талқыланып жатыр
Бүгін
Апта
Ай