02 наурыз 2022 | 15:15

Жүргізуші Алматы-Бішкек тасжолында жаяу жүргіншіні қағып өлтірді

Жансая Қадыржанова Корреспондент

Видеодан алынған кадр

Алматы облысындағы тасжолда жүргізуші жаяу жүргіншіні қағып өлтірді, - деп хабарлайды Tengrinews.kz тілшісі өңірдің ПД-не сілтеме жасап.

Алматы облысындағы тасжолда жүргізуші жаяу жүргіншіні қағып өлтірді, - деп хабарлайды Tengrinews.kz тілшісі өңірдің ПД-не сілтеме жасап.

Полиция мәліметінше, жол апаты 1 наурызда Жамбыл ауданында болған. Алматы-Бішкек тасжолының 44-шақырымында Lexus GS-300 автокөлігінің 21 жастағы жүргізушісі жаяу жүргіншілер өткелін кесіп өткен әйелді қағып өлтірген. Ауыр жарақат алған жәбірленуші ауруханаға жатқызылғаннан кейін қайтыс болған.

"Қажет сараптамалар тағайындалғаннан кейін ҚР ҚК 345-бабы, 3-бөлігі ("Көлік құралдарын басқаратын адамдардың жол қозғалысы немесе көлік құралдарын пайдалану ережелерін абайсызда адам өліміне әкеп соққан бұзушылығы") бойынша сотқа дейінгі тергеу жүргізіліп жатыр. Күдікті қамауға алынды. Көлік тәркіленіп, автотұраққа қойылды", - делінген хабарламада.