1. Басты
  2. Біл
  3. Оқиға
  4. Тосын жай

Қарағанды облысында аузы әжетхана қағазымен жабулы күйінде қоқыстан табылған нәрестенің өміріне қауіп төніп тұр18 мамыр 2016, 12:37

© Facebook © Facebook

Қарағанды облысында аузы әжетхана қағазымен жабулы күйінде қоқыстан табылған нәрестенің өміріне қауіп төніп тұр, - деп хабарлайды Tengrinews.kz тілшісі Жезқазғандағы перзентхананың дәрігерлеріне сілтеме жасап.

"Нәрестенің жағдайы өте ауыр, ол дұрыс тыныс ала алмай жатыр. Өкпесіне жасанды вентиляция қосылды, әзірше парентералдық қоректендіруде. Өміріне қауіп төніп тұр. Мерзімі жетпей туған, шамамен 23-24 айлық. Бізге оны ауыр жағдайда суықтап қалған күйі жеткізді. Қазір нәресте дәрігерлердің бақылауында", - деді балалар бөлімшесінің меңгерушісі Кәукен Жақсыгелдинова. Сонымен қатар, ол табылған нәрестенің ұл екенін айтты. Оған әзірше есім берілмеді. Инкубаторда қанша уақыт болатыны да белгісіз. 

Еске салайық, 17 мамырда Кеңгір ауылындағы қоқыс контейнерінен аузы әжетхана қағазымен жабылған нәресте табылған болатын. Полицейлер оның анасын іздеп жатыр.