+7 (777) 001 44 99
Қазақша
Русский
English
Қарағанды облысында тас жолда үш машина соқтығысып, алты адам мерт болды, - деп хабарлайды Tengrinews.kz.
Қарағанды облыстық ішкі істер департаментінің ақпаратына сәйкес, жол-көлік оқиғасы Қарағанды - Балқаш тас жолында, Ақтоғай ауданының Гүлшат аулына жақын жерде болған. Қазіргі кезде оқиға орнында шұғыл тергеу тобы жұмыс істеп жатыр. Куәгерлердің айтуынша, жол-көлік оқиғасы таңғы сағат 5-те болды. Lada Priora, ВАЗ-21010 және Hyundai маркалы үш машина соқтығысып, алты адам ажал құшты. Әзірше қай автомобильдің жолдың қарсы бетіне шыққаны белгісіз. Оны тергеушілер анықтап жатыр. Осыған байланысты Қылмыстық кодекстің 296-бабы - "Екі және одан да көп адамның өліміне себеп болған жол қозғалысы ережелерін бұзу" бойынша қылмыстық іс қозғалды.
Айта кетейік, кеше Батыс Қазақстан облысында да ірі жол-көлік апаты болды. Орал - Атырау тас жолында Ресейден келген туристер жанұясы апатқа ұшырады.
