+7 (777) 001 44 99
Қазақша
Русский
English
Жаңаарқа ауданының тұрғындары Сарысу өзеніне кәріз суының қалай ағып жатқанын видеоға түсіріп, әлеуметтік желіде жариялады, - деп хабарлайды Tengrinews.kz тілшісі.
Видео авторлары енді өзен суына шомылу мен онда ұсталған балық қауіпті болуы мүмкін екеніне алаңдады.
Посмотреть эту публикацию в Instagram
Жаңаарқа ауданының әкімдігі жағдайға қатысты түсініктеме берді. Ведомство баспасөз қызметінің мәліметінше, қалдық суды тазарту станцияға ағызатын магистральда ақау шығу салдарынан кәріз суы өзенге ағып кеткен. Ақау 11 ақпанда пайда болған. Қазір бұл магистраль арқылы қалдық шығарылмайды. Кәріз суы басқа құбырлар арқылы шығарылып жатыр.
"Арнайы комиссия құрылды, ол ақаудың орнын тексерді және анықтады. Енді қаражат бөлу мәселесі қаралады. Көктемде бұл құбыр толығымен жөнделеді. Қазір ешқандай қауіп жоқ, кәріз суы енді өзенге ағызылмайды", - деді әкімдіктің баспасөз қызметіндегілер.
Сілтемесіз жаңалық оқисыз ба? Онда "ВКонтакте" желісінде парақшамызға тіркеліңіз!
